DITTSCHE-FORUM

[Panda65]

KNUUSTEN
Een Buur ut Basbeck harr dree Döchter.Dor keem en Frier un wull de Jüngst hem. " Ja " , sä de Buur , " bi mi ward dat Brot op Enn ansneden." " Ne ", seggt de anner , "ik mag keen Knuusten."

[Panda65]

DAT HÖRT SIK BETER AN
Dat is veel Generatschonen her , dor keem de Familie Schmalbrett vun Westdüütschland na hier de Küst. Aver Hans Schmalbrett trock dat ümmer wedder na Süden, un he hett denn an een Dag Arbeid funn in Frankriek , nich wiet vun de Grenz. De Franzosen kunn aver de Naam Schmalbrett nich goot utspreken, un Hans sien Fru meent denn , dat weer doch beter ,wenn se en französisch Naam kregen. Hans dä allens ,wat sien Fru wull , un vun dor an nöömt denn Fru un Herr Latte'.

[Panda65]

STALEN BOOKWEET
Dor weer en Schoster ,sien Fru weer son beten"Hein geist mit langs". Groot Stück nehm se jüst nich . Do harr en Buur Bookweet seit , un de Schuster harr ok Bookweet nebenan. Do keem mal de Jung to Huus un sä,se harr Bookweet staln . So geiht de Buur rut un kann nu wull sehn ,dat de Spoor röver op dat Schosterstück föhrt. He geiht röver un seggt:" Jo , de Voß is mien Bookweet ween , un de hett Klotzen an hatt , un hier is 'e to Locks gahn."

[Sleepless]

Also "nebenan" hab ich verstanden
_________________
Beschütze was Du liebst.

[Panda65]

DAT SÖGFARKEN
Dat weer op'n Swienmarkt in Heide , dor wull en Fru weer en Süddüütsch , un se wull geern en Sögfarken hem , keen Borgfarken . De Hannelsmann kunn ehr aver nich so recht verstohn , un se sä:" Nicht so 'n Schwein wie ich ,sondern eins wie mein Mann !" - Dat kunn he denn ok verstahn.

[Panda65]

BEKANNTE
As passioneert Jäger belevt man jo veel . Dat weer op en Jagdgesellschaft bi en groot Buur in Ostfreesland.Wi stunn na de Begrötung noch tosamen un ünnerheln uns mit Bekannte . Do keem de Jagdpächter - wat de Verantstalter weer - op mi un mien Bekannte to un sä to mien Bekannte ." Se kamen mi bekannt vör . Ik heff Se doch al mal dropen !"
" Jo ", sä mien Bekannte , " dat stimmt. Dat weer vörig Johr op mien Jagd . Dor hem Se mi in't linke Been dropen.!"

[Panda65]

SUERSUPP
De Suersupp wurr jo ümmer in en groot Steenpott un ok dorin warmmakt . In de Keller weern oft Tuutsen , un so weer denn ok mal en Hoppetuuts in't Swattsuer kamen . As de Pott nu op de Disch stunn , do fung dat op eenmal an , sik in de Pott to rögen , un op eenmal sprung dor en Tuuts , vull vunSwattsuer op de Disch. Nu weer en Schlesier mit an de Disch . De nehm de Gavel , steek de Tuuts un sä:" Halt Schwarzsauer , hiergeblieben !"

[Panda65]

HE SEET OP DAT BRETT
Chrischan Töödt fohrt mit Georg Appelgorn vun'n Markt na Huus . Se weern beide ganz schön duhn , un Töödt seet achter'n op dat Brett . Do full he raff , as de Waag över en Steen fohrt un blev op de Straat sitten.
Do keem en anner Waag achter em ranfohrt , un de Kutscher fraagt em :" Wullt du mitfohrn?"
" Nä ,sä he ," ik fohr doch schon mit Georg Appelgorn!"

[Panda65]

DE KOH IS UTNEIHT
De ol Jensen harr man een Koh , denn he weer keen Buur . Blot för de Melk un de Botter . Eenmal weer de Koh in de Gorn vun sien Nawer lopen , dat weer de Lehrer . Se dreven beid dat Tier trüch bit an'n Tuun. Dor wull de Koh röwer , un harr al beid Vörderbeen op de anner Siet . Jensen weer bannig opgeregt un sä:"Nun will die Kuh über Stichelwier oha , wenn sie man blots nich den Jütter aufpickt!"

[Panda65]

DE BUUR VUN SOLTAU
Wat de Buur vun Soltau sien Neffe weer, - de weer vör veel Johrn na Amerika utwannert un harr sik dor en schön Stück Land köfft mit'n Farm op.
Een Johr keem he mal to Besök. Un as dat nu mal bi de Buurn so is, - eerst ward dat Veehtüüch in'n Stall besehn, un denn geiht dat rut op dat Land.
De Buur wiest sien Neffen stolt dat Land, dat um die Hoffstäd liggt , un as se wedder op dat Huus togahn , seggt de Neffe:" Weest du, - wenn ik um mien Land rumföhrt do mit mien Waag, denn bruuk ik dree Dag!"
De Buur vun Soltau antwurt em :" Ja, - so'n ol Auto heff ik fröher ok malhat , dor kunnst höchstens twintig Stunnkilometer mit fohrn, - un dat bloots opgood Straten"!

[Panda65]

DE FLEEG IN'T AUTO
Ernst un Siggi fohrt mit de ol VW över Land un wulln mit de Buurn hanneln. Ünnerwegens argert so'n ol Fleeg Ernst immer , un ok Siggi wur von ehr belästigt,- dat he meist nich fohrn kunn.Weer de Fleeg denn mal na achtern flogen,weern se erstmol vun de Plaag frie.-Aver dat duert nich lang ,denn keem se wedder na vörn summt un kreist dauernd um Sigi's Näs. Do sä Ernst nadenklig to Siggi:" Weest du ,-ik mut mi wunnern,dat de Fleeg dat schaffen deiht, bi düsse Geschwindigkeit noch vun achtern na vörn to flegen!" Siggi överleggt lang un meent ok teemlig nadenklig, dat dat wull en groot Leistung weer vun so'n lütt Fleeg.

[Panda65]

DE KOH IS UTNEIHT
De ol Jensen harr man een Koh ,denn he weer keen Buur.Blot för de Melk un de Botter .Eenmal weer de Koh in de Gorn vun sien Nawer lopen,dat weer de Lehrer.Se dreven beid dat Tier trüch bit an'n Tuun.Dor wull de Koh röwer, un harr al beid Vörderbeen op de anner Siet .Jensen weer bannig opgeregt unsä:"Nun will die Kuh über die Stichelwier oha,wenn sie man blots nich den Jütter aufpickt!"

[Panda65]

VERWIES
Klaus Witt sein Vadder weer doot , aver vör sien Doot haar he noch wat utfreten,-weswegen sien Söhn Hans nu vör Gericht schull. In de < Ladung>stunn denn:
<Bitte erscheinen Sie am Montag 10 Uhr vor Gericht5 in Sachen Ihres Vaters!"
Klaus Witt söggt denn ok de ol Klamotten vun sien Vadder rut,de al lang op de Böhn legen.De weern em veel to wiet un to lang,aver dor weer keen Ziet mehr ,wat dat ännern warrn kunn.So keem he denn in de Klamotten vun sien Vadder vör Gericht un sä:"Entschulligen Se man ,Herr Richter,-aver ik harr nich so veel Tiet ,de Klamotten ännern to laten,-aver Se wulln jo ,dat ik < in Sachen des Vaters>,as Se schreven hem-Kamen schull!"
De Richter weer bannig in de Fohrt över son opsternaatsche Idee un verurdeelt Klaus Witt to fief Mark Straaf wegen <Mißachtung des Gerichts<.

[Panda65]

KORTSICHTIG
Een Mann weer en beten kortsichtig.Un he gung morgens ganz fröh na dat Feld,dor kunn he jo ganz slecht sehn.Dor stunn een ol Peerd an't Heck un schüert sik mit dat Achterenn doran.Do sä de Mann:"Gomorgen Nachbor,sind se ok al en beten an't Klütern?"

[Panda65]

MEDIZIN UND JURA OP'N KARKHOFF VUN WILSTER
Dat geef mal en Doktor in Wilster ,de nömmt se Doktor Flink.He weer ümmer fix dor,-un he weer en good Doktor.
Denn weer dor ok en Avkaat,dat weer en vörnehm Mann,un he wurr överal acht.He much so geern spazeern,un leevst gung he över de Karkhoff.
An en Dag drepen se sik dor,denn Doktor Flink wull op de anner Siet vun de Karkhoff en Familie besöken,wo een krank weer.De beid begröt sik,denn se weern good Frünn al veel Johrn.Sunst kunn sik ja Medizin un Jura nich so good verdreggen,ward seggt.
Dor seggt doch de Avkaat to Doktor Flink so'n beten zynisch as he jo weer:"Na,Herr Doktor,hemSe Bilanz makt?"
Dat hört sik jo an ,as wenn de Doktor dor weer,al de Patienten to telln,de dor op'n Karkhoff legen.Aver dor weer de Avkaat doch wull en beten to wiet gahn.Doktor Flink hett em dat nich vergeten,aver anmarken leet he sik ok nix,dorto weer he wedder to fein.

[Panda65]

DE HEEKT UN DAT MOPED
Michel un Ernst weern beid op't Finanzamt anstellt un fohrt an't Wochenend an de Au,to angeln.Dat weer nich wegen de Fisch,-nee.Dat weer wegen de frisch Luft,de se nötig bruukt na de Bürodunst de ganz Dag.An'n Mondag drepen se sik op't Amt un snackt över de Angeli vun't Wochenend.
Michel sä:" Ik heff en Heekt fung vun twölf Pund!"
Ernst weer baff un antwurt:" Ik heff en Moped ut dat Water trocken,wo dat Licht noch brennt:"
Michel wußt,dat Ernst wedder Anglerlatin vertellt un sä:" Du lüggst!"
Ernst sä denn:" Na ja,- ik laat mit mi hanaln.Wenn du fief Pund vun de Heek aflöttst,denn maak ik dat Licht an't Moped ut!"

[Panda65]

KURGAST
Ik harr keen Lust mehr,in de Welt to reisen un wull mal ganz sinnig mien Urlaub an de Küst verleven,un dat op Föhr.Ik weer en beten laat op de Weg mit de Zimmerbestellung,un so fohrt ik lever sülben röver na de Insel,dat aftomaken.De Herr vun de Kurverwaltung schickt mi na de Familie Tücke Matzen,wo noch en Zimmer frie sien schull.As ik dor denn ankeem,sä Tücke to mie:"Dat geiht mi aver leed,wi hem jüst dat letzt Zimmer vermiet.So,as ik dat beurdeeln kann,is dor ok knapp noch en Zimmer to kreigen.Büst en beten laazt op'n Weg!" In düssen Ogenblick fung de Glocken vun de Kark an to lüden,un Tücke schreeg luut gegen de Larm an:" Töv man,nu is dor wedder en Bett frie!"
Tücke sien Fru stunn nich wiet af un sä:"Dor möht se sik nix bei denken,he is immer so liekut!"Ik harr mi ok nix bi dacht,aver tövt heff ik nich un bin na Amrum fohrt,wo ik denn noch Quartier kreeg.